قصة الفنان جمال اسماعيل فى برنامج العفاريت

كتب ads128@atonads.comمنوعاتآخر تحديث منذ 4 أيام الفنان جمال اسماعيل حكى حكاية حصلت له وهو صغير كان عنده 10 سنين… الحكاية دي حكاها في برنامج عفاريت حسين الامام اللي بيقدمه الفنان الراحل حسين الامام… بيحكي الفنان جمال اسماعيل وبيقول انا حصلت معايا حاجة غريبة اوي ومرعبة جدا مش قادر اني انساها لحد ما كبرت دلوقتي.. كنا عايشين في عمارة من خمس ادوار.. واحنا كنا قاعدين في الدور التالت.. وكان ساكن فوقينا زوج وزوجة.. فجأة الزوج اختفى ومارجعش! محدش عارف راح فين هما كانوا بيحبوا بعض اوي.. للمتابعه اضغط على الرقم 2 في السطر التالي 👇 👇 وكانوا عايشين حياة سعيدة مع بعض.. لكن فجأة الزوج اختفى.. لما اختفى مرات الراجل ده زعلت جدا.. ودورت عليه كتير اوي.. لحد ما عدى سنه وجوزها مارجعش.. فهنا الجيران صعب عليهم حال الست.. كانت في حالة حزن شديد.. فقرروا بقى ان لازم يلاقوا جوزها.. فاقترحوا انهم يجيبوا شيخ لانهم شكوا ان في سحر اتعمل وهو اللي اتسبب في اختفاء جوزها… ووحده من الجيران جاب الشيخ.. وكل الجيران اتجمعوا في شقة الست اللي جوزها مختفي.. وانا كنت صغير وكان عندي فضول اعرف ايه اللي هيعملوه جوه.. فانا رحت مع امي.. الشيخ ده طلب من الجيران انهم يقعدوا على الارض على شكل دايره.. وانا كنت واقف بعيد شوية.. فالشيخ بصلي وقالي تعالى اقعد.. قربت من الدايرة وقعدت جنب امي.. وبعدها الشيخ طلب منقد عشان يولع ف بخور.. جابوا المنقد ده.. وطلب تاني الشيخ انه عايز طبق غويط.. جابوله الطبق والشيخ حطه على الارض حنبه.. وقال الشيخ هاتولي مصحف.. جابوله المصحف.. وبعد كده حط المصحف على الطبق.. وبعد كده لقيته طلع من جيبه مفتاح من المفاتيح القديمة الحديد والطويل.. وكان مصدي كمان.. حط المفتاح فوق المصحف.. وفضل يعزم! كلمات غريبة كان بيقولها.. وكنت بحاول القط اي كلمه.. لكن مكنتش فاهم هو بيقول ايه… الشيخ فضل يعزم وكان مركز نظره ع المفتاح لحد ما فجأة لقينا المفتاح اتحرك ولف حوالين نفسه وبعدها وقف فجاة!… بعد ما المفتاح لف حوالين نفسه ووقف.. لقيت الشيخ بصلي وقالي تعالى! انا خفت.. وقالي تاني تعالى اقعد جنبي.. قومت وانا خاېف وبترعش وقعدت جنبه.. وبعد كده الشيخ قالي شيل المفتاح.. شيلت المفتاح.. وبعدها قالي شيل المصحف.. شيلت المصحف واخده وحطو جنبه… وبعد كده الشيخ قالي اكشف الطبق.. كشفت الطبق من المنديل الابيض اللي حاطه عليه… وجوه الطبق كان موجود حتت قماشه مكانتش موجودة ف الطبق اول مرة!… الشيخ قال للست اللي جوزها مختفي القماشة دي عندك زيها في البيت قالت الست ايوة دي قماشة من روب جوزي! فقالها طب روحي هاتيها.. راحت الست جابت الروب.. ولقينا ان في حته من الروب مقصوصة! والقماشة اللي ف الطبق قطعة من الروب!.. قطعة القماشة دي كانت ملفوفة زي حجاب.. الشيخ فتحها ولقي جواها ورقه.. فتح الورقة وكان مكتوب فيها بالاحمر كلمات ومربعات وحاجات غريبة زي جمجمة مرسومة وعضمتين معمولين علامة بالاحمر !.. بعدها الشيخ طلب وقال لازم يتشال بلاط الشقة! وفعلا تاني يوم جابو عامل والشيخ كان موجود والبلاط كان بيتشال.. وبعد ما اتشال البلاط.. في مكان لقيو تحت البلاط محطوط ف خشب.. وفي الخشب ده كان محطوط مابينه جمجمة بني ادم وعضمة! الجمجمة كان مكتوب عليها بالاحمر كلمات غريبة!.. طلب الشيخ بعد كده طشت نحاس وحط الجمجمة والعضمة وفضل يكسر فيهم بايد هون لحد ما اتفتفتوا.. وحط خشب وفضى عليه جاز وحرقهم.. وقال للست ان العمل ده كان مدفون في حته بعيده تحت شجرة في القناطر!.. يعني الشيخ ده جلب العمل من المكان اللي مدفون فيه!.. مين اللي عمل السحر ده عشان الراجل مايجيش بيته! الشيخ سأل الست انتي سبتي البيت الست قالت ايوة رحنا انا وجوزي لمصيف اسبوعين.. فهنا الشيخ قال يبقى السحر اتعملك في الفترة دي.. وبعد يومين من شيل العمل من تحت بلاط الشقة جوزها رجع وكان بيعيط ويقول لمراته انا كل يوم كنت باجي واطلع للشقة.. وكل ما اجي اقرب وافتح الباب الاقي حاجة بتشدني وتخليني انزل ومادخلش!.. اتضح بقى اللي عمل السحر ده ام الزوج اللي هي حمات مراته! وده عشان امه بتحبه وعايزاه لوحدها.. وهي شايفه ابنها بيحب مراته جدا وكل حياته ليها… فهي بقى عايزه يكون حياته ليها بس فعشان كده دخلت لبيت ابنها ف غيابه وجابت قطعة من الروب بتاعه وعملت عليه السحر عند دجال ودفنت العمل تحت البلاط! عشان بعدها الزوج يفضل عند امه لحد الوقت ده وكل ما يحاول انه يرجع لمراته مايعرفش