والله ما انت عامل حاجه انت جاي من الشغل تعبان وطول اليوم بتلف بالتاكسي في الشوارع اقعد انت وانا هعملك كل اللي عايزه..
_ ابتسم فضل وراح قعد في اوضته وانا تاني يوم بعد ما هو راح الشغل ندهت لبنتي هاجر وقولتلها..
منال
هااااجر انتي يااابت يا هاااجر..
دخلت عندي المطبخ وقالت
نعم يا ماما انا اهو جيت نعم..
منال
انزلي يلا يا حبيبة امك اقعدي مع تيته سميحه تحت واكنسيلها الارض ولو قالتلك علي حاجه تقولي حاضر.
هاجر
بس انا عايزه اقعد مع اخواتي هنا هو مش انتي قولتيلي ان انا هاخد بالي منهم..
منال
لا انا خلاص اللي هاخد بالي منهم انزلي انتي خدي بالك من تيته تحت اوعي تزعليها..
هاجر
حاضر يا ماما هروح عندها ومش هقولها غير حاضر..
_ ونزلت بنتي فعلا تحت عند حماتي اللي اول ما شافتها قالتلها..
الحما
وهي امك ما نزلتش ليه يا اخاي مش هاين عليها تيجي وتشوف طلبات ام جوزها اخص عليها..
هاجر
حاضر يا تيته انا هروح اقولها تنزل هي عندك تحت..
الحما
اقعدي يا بت انتي هنا يلا قال تروحي تقوليلها وحسك عينك حاجه من اللي بتخصل هنا تقوليها لامك والله اكلك بسناني فاهمه ولا لا..
هاجر
فاهمه فاهمه يا تيته حاضر تحبي اعملك حاجه..
الحما
ادخلي المطبخ هتلاقي طبقين في الحوض اغسليهم يلاا وتعالي اكنسي الحته دي..
هاجر
حاضر يا تيته… ودخلت هاجر المطبخ ووقفت علي الكرسس عشان توصل للحوض وغسلت الاطبااق..
وبعدين كنست البيت وراحت فتحت التلفزيون وفضلت تتفرج عليه والباب خبط وطلعت جماتي من اوضتها وقالت..
الحما
انتي يا بت مش سامعه الباب وايه ده يا نهارك اسود ومنيل بستين نيله انتي نين قالك تفتحي التلفزيون انتي عايزه فاتورة الكهربا تقطم وسطي.
هاجر
هسمع المسلسل بس واقفليه براحتك يا تيته والنبي..
قفلت الحما التلفزيون وقالت
اخرسي خالص يا بت انتي وروحي يلا افتحي الباب وشوفي مين قوومي يلاااا…
قامت هاجر وفتحت الباب وكانت سعاد جارتنا اللي ساكنه اول الشارع وقالت..
سعاد
ازيك يا بت يا هاجر اومال فين جدتك..
ردت عليها سميحه من جوه وقالت
انا هنا اهو يا سعاد تعالي هنا يا اختي اديني قاعده..
دخلت سعاد وقالت
اديني جيتلك اهو زي ما اتفقنا هااا عنلتي اللي ج زي قالك عليه ولا لسه..
سميحه
اسكتي خالص يا وليه مش شايفه البت واقفه قدامك..
سعاد
يا اختي دي عيله صغيره ايه بس اللي هيفهما كلامنا..
سميحه
قومي بس انتي ما تعرفيش حاجه دي عقربه زي امها تعالي معايا جوه نتكلم..
وبصت لهاجر وقالت
وانتي يا بت ادخلي يلا اعنلينا كوبايتين شااي واياكي تاكلي حاجه من التلاجه هطفحهالك…
_ قالت كلامها ودخلت جوه واخر النهار بنتي راحت خبطت عليها وقالت..
هاجر
يا تيته يا تيته افتحيلي..
فتحت سميحه الباب وقالت
لمتابعة القصة اضغط على الرقم 3 في السطر التالي 👇👇
