وقبل ما بدا حكايتي اعرفكم بنفسي انا اسمي رنا عندي 27 سنة لسه متخرجة من كلية تجارة انجليزي والحمد لله شاطرة اوي وعايشة مع ماما وبابا واخويا اللي متجوز معانا في نفس البيت
وفي يوم ماما وبابا قاعدين بيفطرو وانا خرجت من اوضتي وسرخت وقولت لهم بصوت عالي
هو انا مش هشتغل بقا بدل الركنة اللي انا فيها دي يابابا اعااااااااا
الام
يافتاح ياعليم يا رزاق ياكريم هو انتي يابنتي كل يوم تخرجي من اوضتك عامله لنا ازعرينا كده يابت كل بتخضيني حرام عليكي
رنا
مانا مليش دعوة انا عايزه اشتغل يعني عايزة اشتغل اتصرفو وشغلوني لحسن بصو بقا انا هرمي نفسي من على السجاده دلوقتي واريحكم مني خالص انا بقول لكم اهو
الام
عوض عليا عوض الصابرين يارب ياختي روحي اغسلي المواعين اغسلي الغسيل نضفي
البيت اهو شغل ده ولا مش شغل ولا انتي بتيجي لحد دول ومش عايزه
رنا
أيوه انا باجي لحد دول ومش عايزة ياماما ياماما افهمي انا ياحبيبتي واحده مثقفه ومعاها لغات وحاجات ومحتاجات عايزاني اغسل مواعين لا لا سوفاج انا مش هبوظ أيدي في المواعين والتنضيف والكلام الفاضي ده
الام
طيب ما انتي بكرة هتتجوزي ياروح امك وهتعملي كل ده برضو
رنا
ايه ده فشررر لا طبعا انا اللي هتجوزو ده لازم يجبلي شغاله في البيت انما اعمل بأيدي لا لا لا
الاب
طيب ياحبيبتي ربنا يكرمك ويجي لك واحد يجيب لك شغالة يارب
رنا
أيوه يابابا والنبي ادعي لي من قلبك كده ياحاج
الام
مفيش حد موبظ البت دي ومدلعها غيرك انت ياحسين لما اشوف اخرتها معاك انت وبنتك وبعدين ياخويا مين ده اللي هيجي ياخدها ويجبلها شغاله كمان ده لو جه وعنده عشه يبقا كرامة هي الشباب
لاقيه تاكل اسكت انت وبنتك والنبي وبلاش دلع ماسخ
رنا
ما هو ده اللي مخليني رافضه الجواز ياماما انا مش هتجوز غير راجل يعيشني ملكة
الام
انا هيجيلي الضغط منك وسعي يابت من قدامي خليني ادخل الاكل المطبخ اوعي
وعدت ماما ودخلت المطبخ وانا قولت لبابا
حسييين عجبك اللي مراتك بتعمله ده عجبك
حسين
ههههه هوووس بنت عيب اسكتي لتسمعك وبعدين ياقلب ابوكي انتي اعملي اللي انتي عايزاه وربنا يكرمك ويجي لك احسن واحد في الدنيا
خرجت ماما وقالت
خليك ياخويا دلع فيها كده خليك
رنا
لا حول ولا قوة الا بالله انتي ايه ياست انتي بالظبط هو انتي امي ولا مرات ابويا مش فاهمة وبعدين انا شاكة فيكي على فكرة انتي مش امي لا فين امي ياست انتي انطقي بسرعه
الام
أيوه انا مش امك انا لاقيتك عند المعبد اليهودي
رنا
هاااار اسوح كمان طلع معبد
مش جامع اعااااااااا اه ياني ااه
الام
ربنا يهدك ياشيخة ماتتلمي على الصبح يابت
حسين
ههههه طب والله البت رنا دي ډمها خفيف وزي العسل طالعه لي طبعا
الام
اسكت ياحسين اسكت انا مش ناقصه ضغط عالي ياخويا الله يخليك ده بدل ماتعقلها وتقولها تعقل وتشوف شغل البيت اللي وراها لا بتضحك على تصرفاتها الهبلة
حسين
سيبي البنت تدلع علينا براحتها يا ليلي هي ليها مين غيرنا بس وبعدين بكرة تروح بيت جوزها ونقعد انا وانتي بوظنا في بوظ بعض ونقول ولا يوم من ايامك يارنا
رنا
لا يابابا تبقى تقول مكانش يومك يارنا انا مش هتجوز انا هفضل قاعدة لكم هنا
الام
ربنا يهديكي روحي افتحي الباب شوفي مين اللي بيرن الجرس يااخرت صبرنا
ورحت افتح وكان محمد اخويا ومراته هو متجوز وساكن في الدرو اللي فوقينا فتحت وقولت
مين محمااااا ومراته يامرحب
يامرحب ايه النور ده
محمد قال لمراته
هي مالها البت
للمتابعه اضغط على الرقم 2 في السطر التالي 👇 👇
دي مالك يارنا ياحبيبتي
رنا
مفيش يامحمااا خوش شوف امك وعمايلها فيا
محمد
انتي يابت مش عايزة تبطلي تقولي لي يامحمااا دي شردتي اسمي ياشيخة
رحاب مراته قالت
طيب تصدق يامحمد ان رنا بتقولها عسل اوي كل ماسمعاها ببقا عايزة اضحك ههههه
محمد
لا والله طيب اتلمي يارحاب انتي كمان بقا
الام
شوفتي هتخلي اخوكي ومراته يقفشو في بعض يلي تنشكي بطلي طولت لسان شويه
رنا
ألله وانا مالي انا يا لمبي وبعدين اتصلي بخالي خليه يشوف لي شغل مليش دعوة
الام
ماشي شوية كده وهكلمة هو كان قايلي انه في شركة طالبه ناس هبقا اساله النهاردة
رنا
طيب وساكنة من الصبح كلميه دلوقتي حالا يلا يلا
الام
يابت اتهدي زمانة لسه رايح الشغل هبقا اكلمة كمان شوية
محمد
مش انا عندي ليكي خبر حلو ياماما انتي وبابا
حسين
خير يامحمد يابني قول خلينا نفرح بالخبر الحلو
محمد
رنا حامل
يابابا
الام
ايه ده بجد ياحبيبتي يارنا الف مبروك ياضنايا ربنا يكملك على خير ياحبيبتي يارب
رنا
ايه ده الله انا هبقا عمتو الف مبروك يارورو
حسين
مبروك يامحمد يابني مبروك يارنا ربنا يكملك على خير يابنتي ان شاء الله
رحاب
ألله يبارك فيكم يارب
ليلى
اسمعي يارحاب ياحبيبتي متقوليش لحد خالص عن موضوع الحمل ده دلوقتي خليها ياحبيبتي لحد لما يعدي فتره كده وبعدين ابقى قولي وعرفي الناس كلها
رحاب
انا مقولتش لحد والله ياماما غير لمامتي وبس
رنا
أيوه شغل الحموات هيشتغل بقا ههههه بس سيبك انتي يارورو انا فرحانة اوي اني هبقا عمتو
ليلى
اااه هتبقي عمتو الهبلة اوعي يارنا تبصي للبت دي لتجيبي بنت هبله زيها كده لقدر ألله يابنتي احنا مش ناقصين
محمد
ههههه أيوه يارحاب ركزي والنبي بصي لماما اللي زي القمر دي عشان تجيبي شبهها
رنا
عجبك كده ياحسين اللي
مراتك وابنك بيقولو ده بقا انا هبله انا
حسين
انتي احلى واحده في البيت ده كله يا احلى رنا
ليلى
انت ياراجل انت تكونش البت دي ماسكة عليك زله انت عايز تفرسني بقا دي احلي واحده في البيت
رنا
ألله وانتي ايه اللي مضايقك ابويا وبيدلعني انتي مش عندك ابنك بتدلعيه خلي بقا ابويا يدلعني
ليلى
طيب ياختي خليه يدلعك براحتة
حسين
ملكيش دعوة ياليلي دي حبيبت ابوها دي
وفضلنا قاعدين نضحك ونهزر وبعد يومين لما ماما قالت لخالو يشوف لي شغل ليقتو بيتصل بيها وبيقولها
أيوه يا ليلي خودي عنوان الشركة دي وخلي رنا تروح تعمل انترفيو وربنا يكرمها وتقبل
ليلى
اخيرا لقيت لها حاجة طيب ياخويا ربنا يخليك لينا
وبعدها ماما قالت لي وفرحت جدا ورحت على الشركة هي شركة سياحة ودخلت قولت للسكرتيرة
صباح الخير لو سمحتي انا كنت جايه اعمل انترفيو عشان الوظيفه اللي هنا
وده الملف بتاعي
لقيت السكرتيرة بصت لي من فوق لتحت وفتحت الملف وقالت لي
وانتي اسمك ايه بقا
رنا
اسمي رنا حسين وبعدين هو مش الملف في إيد حضرتك اهو واسمي مكتوب اهو
نانسي بقرف
اه الملف قدامي بس معلش لازم اسال برضو ايه عندك مانع ولا حاجة
رنا بغيظ مكتوم
لا لا خالص خودشي راحتشك ياوختشي
نانسي
افندم ايه اللي انتي بتقوليه ده انت بتهزري
رنا
وربنا ماحصل ولا هزرت معاكي ده حتى بقول كده من غيظي
لقيتها بصت لي بقرف وسكتت وقالت
طيب اتفضلي اقعدي هنا لحد مادخل للمدير اديله خبر
هزيت راسي وخلاص وقولت لنفسي كتك القرف في سحنتك باين عليكي تنكة بس على مين ده انا رنا
ودخلت نانسي عند المدير وكان قاعد في مكتبة ومعاه مدير وقالت لهم
حمزة بيه في بنت بره وجايه عشان الوظيفه اللي كنا عاملين عليها اعلان اخليها تدخل ولا لا ولا استاذ أمير يقابلها
حمزه
بزهق
لا لا يانانسي انا دماغي مش رايق انا قدامي مشاكل اد كده ومش فايق لحد قوم انت
متابعة القراءة
للمتابعه اضغط على الرقم 3 في السطر التالي 👇 👇
يا أمير اعمل معاها انترفيو ولو لقيتها كويسه اقبلها وانا هبقا اشوفها بعدين
أمير
حاضر يافندم تحت امرك تعالي يانانسي نشوف حكايتها ايه دي
وخرجت نانسي وامير وقالي
اهلا وسهلا ياااا
رنا
اسمي رنا والملف بتاعي هنا اهو عند الانسه دي
أمير
أيوه أيوه تمام طيب يااارنا تعالي نقعد نروح مكتبي
ومشيت وراه لحد مدخل مكتب واقعد عليه وقالي
اتفضلي اقعدي انتي هتفضلي واقفه كده اتفضلي
رنا
ميرسي لحضرتك هو حضرتك ااا عندك مكتبين
أمير
وبتسالي ليه بقا
رنا
اصلك كنت هناك في المكتب التاني وبعدين جيت هنا هو احنا بتعمل الانترفيو ولا ايه
أمير
امممم شكلك بتحبي تركزي في كل التفاصيل لا وكمان بتحبي تسألي ده انتي حشرية بقا
رنا
والله ياعسل انا مش حشرية ولا حاجة بس بحب اعرف كل التفاصيل وكده
أمير باستغراب
ياعسل ههههه ماشي يا انسه رنا مقبولة منك طيب انا هجاوبك
على التفاصيل اللي تحبي تعرفيها اولا انا اسمي أمير وده مكتبي انا مدير هنا في الشركة تمام
رنا
انعم وأكرم يافندم اهلا وسهلا بحضرتك
أمير
ثانيا المكتب التاني ده مكتب مدير مجلس الإدارة يعني صاحب الشركة وخلي بالك هو جد اوي ومش بيحب اللماضه
بلعت ريقي وقولت
اااه ده يعني هو طلع مقفل وهيتعبنا باين بقا
أمير
انتي بتقولي ايه يا انسه
رنا
ها لا مفيش حضرتك مش بقول حاجة طيب يلا نعمل الانترفيو بقا
وفضل يسالني شوية وانجليزي والاخر قالي
كده تمام يا انسه رنا احنا خلصنا المقابله ان شاء الله من بكره تيجي تستلمي الشغل
رنا بفرحة
احلف
أمير
اه والله خلاص انتي اتقابلتي
رنا
ياااه اخيرا هشتغل في شركة نضيفة زي دي ياااه يا أمير مش عارفه اقولك ايه ده كان حلم حياتي والمصحف
أمير باستغراب
أمير ههههه ايه يابنتي اللي انتي بتقوليه ده
رنا
ايه ده هو انا قولت
أمير طب والله ما اخدت بالي اناا ااا اسفه اوي حضرتك طيب دلوقتي يعني امشي واجي بكرة
أمير
أيوه دلوقتي هتمشي وتيجي بكرة اتفضلي
رنا
طيب ماشتغل دلوقتي اهو جربني ده انا بص في الشغل هبقا مش عايزة اقولك يعني مش هتلاقي زي هتلاقي قدام فرسه بترمح خليني بقا النهارده
امير
لا مش هينفع روحي وتعالي من بكرة
رنا
حاضر طيب انضف لك المكتب النهارده لحد مايجي بكرة وابقي اشتغل
امير
انتي يابنتي شبطة ولا ايه بقولك روحي وتعالي بكرة من اول النهار يلا اتفضلي
رنا بضيق
حاضر عن اذنك وسبته ومشيت وانا نازله اتصلت بنور صاحبتي وقولت لها
ازيك يلي تنشكي في بطنك عاملة ايه ياكلبه البحر يلي مش بتسألي عليا
نور
هو انتي مش هتبطلي طولت اللسان دي يابنتي حرام عليكي هتشليني
رنا
يعني هو في حد بيشلك غيري ده انا هنفخك عشان مش بتسالي عني
نور
والله يارنا ڠصب عني انا الشغل
واخد كل وقتي اعمل ايه بس
رنا
طيب لما انتي اشتغلتي ياكلبه مش تشوفي اختك على العموم انا كمان اتوظفت عقبال عندك هشتغل في شركة كبيرة اوي
نور
طيب مبروك يارنا بس شركة ايه دي
رنا
شركة سياحة بقا وناس اجانب جايه وناس رايحة وليله كبيره ساعتك
نور
طيب كويس ياقلبي ربنا يوفقك ياريري طيب عايزين نتقابل بقا
رنا
خلاص سبيها في يوم كده نظبط مع بعض ونتقابل ماشي
وقفلت مع نور ورجعت البيت ماما قالت لي
ها سبع ولا ضبع
رنا
سبع طبعا ياست الكل انتي عايزاني اروح اعمل انترفيو والآخر يقولو لي مش عايزين النهاردة دنا كنت اروح فيهم في داهيه
ليلى
ااه مانا عارفاكي بلطجية طول عمرك
رنا
انا مفيش واحده في رقتي وحلاوتي يامامتي بقولك ايه انتي عامله اكل ايه الا انا جعانة اوي
وفضلت صاحية لحد تاني يوم من الفرحة اني هاروح الشغل مانمتش وقومت الصبح لبست ونزلت رحت
الشغل وهناك قابلت أمير وقالي
صباح الخير اهلا يا انسه رنا
رنا
صباح النور يا استاذ
متابعة القراءة
الصفحة 3
من 6 صفحة
الصفحة 4
شارك
للمتابعة اضغط على الرقم 4 في السطر التالي 👇 👇
أمير
أمير
ها جاهزه للشغل
رنا
اكيد طبعا ده انا من فرحتي والله يا استاذ أمير انا مشوفت النوم
امير
ليه هو انتي كان نفسك تشتغلي اوي كده
رنا
الصراحة يا استاذ أمير انا محتاجة كنت الشغل ده اوي متتصورش اصل انا بصرف على يتامي
امير باستغراب
يتامى تقصدي اخواتك انتي معنديش اهل
رنا
لا اقصد ابويا وامي اصلهم يتامى ابوهم وامهم راحو وسابوهم في رقبتي ومفيش حد هيصرف عليهم ولا ياخد باله منهم غيري
أمير باستغراب
هااا بتقولي مين هههههههههه انتي باين عليكي مشكلة
رنا
ولا مشكلة ولا حاجة ده انا غلبانة خالص يلا ربنا مايوريك اللي انا فيه يارب المهم يلا بقا نشتغل هزرنا كتير جه وقت الشغل ولا انت بتحب هتفضل بقا تهزر وكده
أمير
ههههه لا ياستي يلا اتفضلي على مكتبك هتلاقي عندك أوراق عايزك تدخليها على الكمبيوتر ماشي
انا مش هوصيكي يا رنا انا عايز همة ونشاط
رنا
عنيا ده انت بص هتلاقي رهوان هنا في قلب الشركة دي
وانا خارجة من مكتب أمير بضهري لقيت واحد بتكلم في التليفون ورايا رحت خبطه فيه قولت له
مش تفتح انت ايه اضبش مش شايف قدامة
حمزه
انا برضو اللي افتح ولا انتي اللي لبستي فيا وانتي راجع بضهرك
رنا
انا راجعة بضهرك وانت جاي بوشك يعني المفروض توسع لحد ماعدي ولا انت اتعميت في نظرك يعني ولا ايه لا بقولك ايه انا موظفه مهمة هنا انت فاهم ولا لا ووسع كده من قدامي كتكم القرف مليتو البلد
وسبته ومشيت ووقف حمزه مزهول من اللي بيحصل مش فاهم حاجة ودخل عند امير وقاله
هي مين اللي لسه خارجة من عندك دلوقتي دي يا أمير
أمير
دي البنت الجديده المساعده اللي هتشتغل مدخلة بيانات ومقابله الوفود هي عملت ايه اوعي تقولي انها اتلامضت
عليك
حمزه
ااه يعني هي اصلا لمضة ولسانها طويل دي فظيعه
أمير
ههههه يبقا خدت الطريحة منها
حمزة
وبعدين لما انت عارف انها كده بتشغلها ليه هنا انت عارف ان اهم حاجة عندنا الهدوء
أمير
بصراحة دماغها حلوه وبعدين شاطرة في اللغات جدا
حمزة
هي من ناحية حلوه فهي حلوه اوي بس لسانها طويل
أمير
جرا ايه ياعم حمزه ههههه انت هتعاكس الموظفين ولا ايه
حمزة
ياعم روح كده وبعدين انا راجل عاذب اعاكس براحتي مش متجوز زيك يلا اسيبك انا بقا اروح اشوف الموظفه بتعمل ايه
أمير
ماشي ياعم روح الهي يارب تتجوز وبقا زي كده وتبطل كل شوية تقولي انا عاذب انا عاذب
وانا كنت قاعده في مكتبي وعشان مكنتش نمت حطيت دماغي على المكتب ورحت نايمة ودخل حمزه وقال
ينهارك اللي مش فايت انتي جايه تنامي هنا انتي يااا يااا اسمك ايه انتي
رنا بتخترف
وهي نايمة
والنبي ماما سبيني انام شوية روحي وابقي تعالي كمان شوية
حمزه
ماما مامة مين انتي ياااا يابنتي قوم ياروح ماما قومي
رنا
يوووه ماقولت لك ياماما سيب وصحيت لقيت حمزة واقف قدامي وقولت له
ايه ده انا فين وانت مين وايه اللي دخلك هنا من غير اذن اطلع برة
حمزه
هو حضرتك سايبه بيتكم وجايه تنامي هنا ايه هو انتي فاكرة نفسك لوكاندة ولا ايه
رنا
لوكاندة! ده ايه الكلمة اللي بطلت من خمستلاف سنه دي انت مين وعايز ايه وبعدين انت مالك انت انام ولا منامش ايه دخلك في شغلي
حمزه
تمام انا هعرفك انا مين
وسبني ومشي وانا قولت
ابقي عرفني ياخويا ولا استخبي لي في الدرة وخوفني ده ايه الناس دي الهي يقل راحتك يابعيد كنت بحلم حلم حلو
وبعد شوية لقيت أمير بعت لي وبيقولي
انتي ايه اللي انتي هببتيه ده يارنا انتي كنتي
نايمة في مكتبك
رنا
والله يا استاذ أمير انا بس كنت مريحة شويه اصلي
للمتابعه اضغط على الرقم 5 في السطر التالي 👇👇
مانمتش من امبارح
أمير
مش ذنبي يا استاذة انتي جايه هنا تشتغلي
رنا
هو اكيد الراجل الرخم اللي جه صحاني ده هو اللي فتن عليا صح طب وديني لوريه هو يطلع مين بقا ده
أمير
دلوقتي هتعرفي مين ده تعالي معايا
و اخدني ورحنا على مكتب حمزه وكان واقف مدينا ضهرة وامير قاله
انا جبتهالك ياحمزة بيه عشان تشوف هتعمل معاها ايه
اتكلم وهو ضهره لينا وقاله
طيب سبها وروح انت يا أمير
ومشي أمير وسابني وانا قولت له
بص حضرتك انا هفهمك لو كان الرخم اللي قالك اني كنت نايمة انا مكنتش نايمة انا كنت حاطه دماغي بس على المكتب هو افتكر اني نايمة يلا منه لله عشان فتن عليا
لقيت حمزه بص لي قالي
بزمتك ياشيخة انتي مكنتيش نايمة بزمتك ده انا بصحيكي لقيتك بتقولي لي سبيني ياماما انام شوية
انا اول لما شوفته اټصدمت وقولت
هو انت تبقا
حمزة
أيوه
انا حمزه صاحب الشركة
رنا
طيب ااا بص هي دقيقه واحده هاروح اكتب استقالتي وارجع وكنت همشي قالي
استني عندك هنا اسمعي انا هعدي اللي حصل ده تمام عشان بس محتاجك في الشركة بس لو اتقرر اللي حصل تاني مش هتقعدي هنا ثانية واحده
رنا
خلاص يافندم مش هتتقرر تاني
حمزه
طيب اتفضلي روحي مكتبك وعدت
ايام كتير في الشركة وانا بشتغل كتير عشان اثبت لحمزه اني شاطرة
وفي يوم لقيته بيقولي
على فكرة يارنا انا مبسوط جدا من شغلك انتي قدرتي تثبتي نفسك في وقت قصير
رنا
الحمد لله اني كنت عند حسن ظن حضرتك يا استاذ حمزه
حمزه
ما بلاش استاذ دي يارنا خليها حمزه بس
بصيت في الأرض واتكسف بصراحة تعلقت بيه جدا وبقيت بحب الشغل عشانه وفي يوم حمزه قالي
اسمعي يارنا في وفد جاي من ألمانيا عايزك تقابليهم في القاعه بتاعت الاجتماعات وتبعتي
تجيبي لهم اكل من أحسن مكان في مصر انا عايزهم ياكلو اكله ماكلوهاش قبل كده هتعرفي تقابليهم وتعملي معاهم الواجب
رنا
بص ياحمزه انت بس اعتمد عليا وهتشوف
حمزة
ربنا يستر يارنا مش عارف مقلق منك ليه كده
رنا
ياسلام ليه بقا ان شاء الله هو انت مش كنت بتشكر في شغلي علطول
حمزه بص لي وقالي
عارف انك شاطرة يارنا لا وحلوة كمان كل حاجة فيكي مظبوطة
رنا
امممم انت بتعاكس بقا
حمزه
لا اوعي تفهميني صح ههههه
رنا بكسوف
طيب انا ااا هاروح بقا اشوف شغلي عن اذنك
وجيت امشي قالي
رنا استني احم ااا انتي قولت لي انك مش مرتبطة صح
رنا
امممم مش مرتبطة ممكن امشي بقا عن اذنك
ورحت على مكتبي وفضلت افكر فيه بصراحة هو شيك اوي ووسيم وقمر في نفسه كده ودخل قلبي من اول مره شوفته
ورجعت على وفضلت افكر وقلت
ااكلهم ايه دول بقا اكلهم
عمرهم ما اكلوها بس لقيتها وفعلا بعدها طلبت الاكل والناس جات وامير قالي
ها يارنا طلبتي الاكل وكل حاجة
رنا
طبعا يافندم كل حاجة تمام ده انا هبهرهم استني انت بس
حمزه في مكتبة اتصل با أمير وقاله
ها يا أمير ايه الاخبار كله
أمير طمنة
وبعد شوية الاكل جه ودخلت قاعة الاجتماعات وظبط كل حاجة ولقيت بيرحب بالناس ودخلهم وهما دخلو واقعدو ولقيت أمير مسكني من دراعي وخدني على جنب وقالي
يانهار اسود يارنا ايه اللي انتي جيباه ده يخربيت عقلك هتودينا في داهية انتي جايبه للناس فسيخ انتي مچنونة
رنا
ألله ما هو الاستاذ حمزه قالي عايزك تاكليهم اكله عمرهم ماكلوها ففكرت ملقتش غير الفسيخ
أمير لطم على وشه وقاله
ياسنتك السوده يا أمير انا شكلي رفدي من هنا هيكون على ايديكي روحي ياشيخة روحي
منك لله
رنا
الله طيب انت بتدعي
عليا ليه وببص على الناس لقيتهم بياكلو ومبسوطين اوي بطعم
للمتابعه اضغط على الرقم 6 في السطر التالي 👇 👇
الفسيخ وقولت له شوف مبسوطين اد ايه شوف
أمير
ايه ده غريبه اوي
وراح عندهم وكلهم بالالماني وقال لهم
هل عجبكم الطعام
واحده
نعم انه لذيذ جدا
وواحد تاني قال
فعلا انه شهي جدا
واحد تاني قال
بالطبع لم اتذوق مثله من قبل حقا انه لذيذ
وكلهم اجمعو على كده ودخل امير عشان ياكل معاهم وقال
تصدقي يارنا فعلا طعمة حلو اوي يابت ده فظيع
رنا
بجد طيب ناوليني رغيف كده من جنبك واداني رغيف واكلت انا وامير معاهم
وبعد ما اكلو كلهم ريحو على الترابيزة ولسه حمزه هيدخل وقال
اااف اااف ايه ده ايه الريحة نانسي هو في ايه اللي بيحصل جوه تعالي نشوف في ايه
ودخل علينا انا وامير والناس اللي من الوفد وزعق وقال
ينهار مش فايت ايه ده يا أمير انتو اكلتو الناس ايه ايه فسييخ ياخرب بيتك ياحمزه
أمير
اهدي ياحمزه مانت شايف الناس كانو مبسوطين جدا
حمزه
مبسوطين ايه بس انا رحت في داهيه ايه اللي انتو هببتوه ده ياأمير
أمير
والله ما انا دي رنا يافندم
رنا
الله هو مش حضرتك قولت لي اطلبي لهم اكل اول مره ياكلوه في حياتهم
حمزة
تقومي تاكليهم فسيخ فسييييخ
رنا
ماهي اكله اول مره ياكلوها
حمزه زعق فيا وقالي
انتي تخرسي خالص انا قولت تاكليهم مش تخلصي عليهم هي الناس دي هتستحمل الاكل
ده
رنا بدموع
حاضر انا هخرس بس حضرتك شايف قدامك اهو الناس مبسوطة ومفيش حاجة
نانسي قالت بقرف
ايه ده يع انتي بلدي اوي ومش بتفهمي خالص لا في زوق ولا اي حاجة مش انا قولت لحضرتك ياحمزه بيه انها هتغرقك
وبعد شويه في واحده بطنها وجعتها وفضلت ترجع وحمزه قال
شايفه عمايلك ياست هانم
رنا
الله وانا مالي انا ماهي اللي بطنها رقيقه ومش مستحمله
حمزة
انتي لسه هتهزري انتي تمشي من قدامي دلوقتي ومش عايز اشوف وشك هنا تاني وياريت تقدمي استقالتك
رنا بټعيط
حاضر يا استاذ حمزه اعتبر اني استقالت عن اذنك
أمير
ليه كده ياحمزه بس
حمزه
أمير انا مش عايز اسمع ولا كلمة اتفضل خلي الساعي ينضف القرف ده ويشوف الدنيا دي وهات لي دكتور للست دي
ورجعت البيت وفضلت اعيط وقفلت على نفسي ومحمد اخويا لما سال ماما عني قالت على اللي حصل دخل وقالي
بقا تاكلي الوفد الألماني فسيخ يامفترية ههههه انتي ايه ياشيخ
رنا
بقولك ايه يامحمد انا مش فايقه لهزارك ده اخرج وسبني
محمد
يابنتي انتي مفترية والله بس ايه ده انتي بتعرفي ټعيطي زينا
رنا
والله بقولك ايه بطل رخامة وبعدين المدير قالي عايز اكل اول مره ياكلوه عملت كده انا غلطانة يعني
محمد
ههههه انتي مشكلة وربنا محصلتيش وفضل محمد اخويا
يخرجني من الحزن اللي انا فيه ويضحكني
وبعد كام يوم في الشركة عند حمزه الناس الألمان طلبو منه نفس الاكل تاني وبقا مستغرب وكمان شركتة اخدت شهاده العالمية وامير قاله
الناس مبسوطة بالفسيخ اوي ياحمزه وشركتك اخدت العالمية وكل بفضل رنا ههههه انا قولت ان البت رنا دي عفريته
حمزه كان زعلان عشان انا مشيت ورد بحزن وقال
انا غلط لما خليت رنا تمشي يا أمير حاسس ان الشركة ملهاش طعم من غير وجودها
أمير
مش انا قولت لك كده برضو ياعم
حمزه
انا هتصل بيها واخليها ترجع تاني
انا كنت لقيت شغل في كافيه بنزل طلبات للزباين اللي لقيته عشان مكنش قدامي غيره ولقيت حمزه بيتصل بيا وبيقولي
ازيك يارنا طمنيني عليكي
رنا
انا كويسه يا استاذ حمزه نعم حضرتك عايزني في حاجة لو سمحت انا مش فاضية وعندي شغل
حمزه باستغراب
انتي اشتغلتي يارنا روحتي شغل تاني
رنا
طبعا رحت شغل تاني ولا هو انت فاكر ان الدنيا هتقف عندك انت وبس ااه اشتغلت وشغلانة احلى من شغلانتك انا بقيت ااا مديرة في
شركة يلا لوسمحت عشان عندي شغل
حمزه
طيب يارنا ربنا يوفقك
وقفلت معاه وحسيت انه وحشني اوي بس بعد ماطردني طبعا مش هعبرة
وبعد يومين راح حمزه عندنا البيت وانا كنت في وطلب أيدي من بابا وماما وبابا
وافقوا وانا معرفش وجه عندنا الكافيه وانا بقدم الطلبات وقعد على برابيزة وكان من ضهرة قولت له
افندم تطلب ايه حضرتك
لقيته بص لي وقالي
عايز فنجان قهوة مبظوط بس تعرفي حلوه اوي الشركة اللي انتي شغاله فيها ههههه
اتكسفت منه ولسه همشي مسكني من ايدي وقالي
بقالي يومين بتصل بيكي ومش بتردي عليا انا اسف على اللي حصل مني يارنا
رنا
لو سمحت يا استاذ ده مكان شغل ومش هينفع نقف مع بعض كده ارجوك
حمزه
رنا انا بحبك وعايز اتجوز انا طلبت ايدك من باباكي وهو وافق قولتي
لما قالي كده فرحت واتلغبط ومشاعري دخلت في بعض ومش عارفه اقول ايه وبعدين قولت
انت بتقول ايه ياحمزه انت بتتكلم جد
حمزه
اه والله بتكلم جد انا خلاص خطبت ويلا نمشي من هنا انا معنديش حريم يشتغلو يلا ياهانم
وضحكت ومشيت معاه وتجوزت حمزه وفعلا بقا عندي فيلا وشغالين وقولت
شوفتي مش قولت لك ههههه حلمي اتحقق ياماما اتجوزت حبيبي اللي ريحني وجاب لي شغالين
بابا قالي
ده عشان انتي قلبك طيب ياقلب ابوكي
ليلى
ربنا يسعدك ياحبيبتي يارب
رحاب
انا قربت اولد على فكرة ابقي ابعتي لي واحده من اللي عندك دول تشوف طلباتي
رنا
يلهوي على الطمع حتى الجوازه مبصوص لي فيها شوفت ياحمزه عيله مايعلم بيها الا ربنا
حمزه
ههههه
ربنا يخليكم لبعض ياحبيبتي انا عايزك اسعد واحده في الدنيا
وفضلنا نضحك ونهزر
وبكده تكون خلصت حكايتي
متابعة القراءة
الصفحة 6
من 6 صفحة
شارك
