وعمره مافرق بينا خالص
حسام
ايوه ما هو واضح يا ست أميرة ما انتي واكلة الجو كله اهو وعمال يدلع فيكي مش كده برضو
أسامة
بطل عبط انتو الاتنين ولادي اي نعم كل واحد فيكم من ام بس ربنا يعلم غلاوتكم في قلبي عامله ازاي
وفي الوقت ده نهى ندهت على حسام اللي دخل لها وقالت له
نهى بصوت واطي
ها يا حسام ايه الاخبار يابني برضو هيسبها تسافر وتروح هناك لوحدها وتكمل في الجامعة
حسام
ايوه يا ماما ده مصمم كمان وشكلة كده هديها فلوس كتير اوي والله انا خاېف ليكب لها كل حاجة وانا وانتي نطلع من المولد بلا حمص لانه شايف ان أميرة دي بنت الغاليه زي ما بيقول
نهي
يلهوي يا حسام يعني هو ممكن يعمل كده فعلا يبقا اخر يوم في عمره هو وبنته لو فكر بس انه يعمل حاجة زي دي
حسام
طيب
انتي ناوية تعملي ايه ياماما البت دي برغم انها اختي بس انا مش بطيقها ولا بحبها
نهى
ومين سمعك يا عين امك سيبها بس عليا وانا هتصرف واشوف انا هعمل ايه مع البنت دي
وبعدها أميرة سافرت المحافظة اللي فيها الجامعة بتاعتها واتعرفت على واحده اسمها ريم وقالت لها
ريم
نورتي الجامعة انتي اسمك ايه بقا يا قمر انا ريم ولسه اول يوم ليا ومن محافظة المنصورة
اميرة
انا أميرة من محافظة القاهرة وجيت هنا في محافظة الجيزة عشان الكليه جات لي هنا قولي لي طبعا انتي هتقعدي في بيت الطالبات مش كده عشان لو تعرفي مكان كويس عرفيني
ريم
بصي يا أميرة هو طبعا أأمن مكان لينا هنا في محافظة احنا اغراب عنها يبقا سكن الجامعة هو ده اللي هيبقا امان بالنسبة لنا
أميرة
خلاص يبقا نروح نشوف
سكن الجامعه ده ونقدم فيه ونبقا فيه مع بعض شكلنا هتبقا أصحاب
وبعدها راحت أميرة وريم وحجزو اوضة في المدينة الجامعية وبقت أميرة وريم يروحو مع بعض ويرجعو مع بعض وفي يوم شاف أميرة شاب بس اكبر منها وقال لها
هو
هو الجميل قاعد لوحده ليه كده شكلك جديدة في الجامعة اعرفك بنفسي انا طارق في الفرقة الرابعه انتي شكلك سنة اولى صح هو انتي ليه مش بتتكلمي
أميرة
عن اذنك عشان انا مش بتكلم مع حد ابدا لو سمحت انا مش عايزة اتكلم معاك
طارق
طيب ليه بس يا انسة طيب حتى نتعرف على بعض يمكن اقدر اساعدك لو في حاجة وقفت قصادك
سابته أميرة ومشيت وهو وقف يكلم نفسه وقال
طارق
واضح انها بنت مش سهله بس على مين ده مش عليا انا وسمع صوت نانسي اللي معاه في نفس الفرقه وقالت له
نانسي
ايه
هي عجباك اوي كده طيب ما حلقت لك اهيه
طارق
نانسي بطلي كلامك ده انتي عايزة ايه بالظبط
نانسي
عايزة اعرف انت عاجبك فيها ايه العيلة دي يا طارق اه عيلة متستغربش عشان انت كبير عنها تبقا عيلة طبعا
طارق
أللهم طولك ياروح بقولك ايه يا نانسي فوكك منين وبلاش تفضلي تنطي لي كده كل شوية ماشي
قال كلامة وسابها ومشي وجات صاحبتها داليا وقالت لها
داليا
ايه نفض لك عشان خاطر البت اللي مش معبراه دي برضو انا مش فاهمة هو عجبة فيها ايه بقا دي بنت ملهاش وش من قفا
نانسي
اصبري عليا بس انا هخليها تكره نفسها ان شاء الله يا داليا وهتشوفي
داليا
ناوية تعملي ايه بقا عشان اتفرج اصل انا بحب اتفرج اوي على الحاجات دي ههههه
وبعدها فضل طارق كل شوية عايز يتكلم مع أميرة وهي مش عايزة
تعبرة خالص وفي يوم كانت في الاوضة في السكن وريم
لمتابعة القصة اضغط على الرقم 5 في السطر التالي
