الكلام الفارغ ده يابابا ازاى تعمل كده في أميرة وهي فين جثتها بقا ان شاء الله
نهى
جوه في الاوضة مستنين المغسلة تيجي عشان تغسلها والله هو شكلة كده ارتاح لما عمل اللي عمله ده
أسامة
انا مش عايز حد فيكم يتكلم نص كلمة واحدة انتو سامعين ولا لا
وبعدها انا وصلت ودخلت عند البنت بس قبل ما ادخل مرات ابوها قالت لي
نهي
ياريت تخلصي بسرعه الغسل خلينا نخلص بقا من الهم ده ونروق لروحنا
ام احمد
إن شاء الله يامدام هو حضرتك تبقى ام البنت المتوفيه ولا ايه
نهى
اه ياختي زي ما تقولي كده انا امها اللي ربتها بس مخالفتهاش يعني انا مرات ابوها بس ابني يبقا اخوها
ام احمد
ااه طيب ممكن ادخل عشان اغسل البنت بقا عن اذنك
ودخلت على البنت اللي كانت زي اللي نايمة وبعدين اصلا مرات ابوها متعرفش اني بكلم الأموات
وبعرف اسرارهم ايه وقولت للبنت
ام احمد
السلام عليكم ورحمة الله وبركاته لاحول ولا قوة الا بالله انتي تعرفي اني انا هنا عشان اساعدك يابنتي ياريت تعرفيني انتي اللي حصل معاكي بالظبط قومي واحكي مټخافيش
في الوقت ده قعدت البنت وفضلت ټعيط وقالت
أميرة
كويس انك جيتي عشان تعرفي اللي حصل معايا منهم وتعرفي بابا اني معملتش حاجة واللي حصل معايا كان ڠصب عني والله
ام احمد
طيب وهو ايه اللي حصل معاكي بالظبط
أميرة
انا كنت في محافظة تانية بدرس في الجامعة وطبعا روحتها بس مكنش بالساهل على امي اقصد مرات ابويا لأنها كانت رافضة اني اكمل في الجامعة وفي يوم قالت لبابا
فلاش باك
نهى
انت عايز بنتك تروح تعيش في محافظة تانية لوحدها يا اسامة انت شكلك عقلك جرا فيه حاجة
أسامة
انت عايزة ايه يا نهى وبعدين
دي بنتي وانا حر فيها واصلا هي اللي نصيبها جالها في محافظة تانية هنقول لا بقا ونقعدها
نهى
لا ابعتها محافظه تانية عشان تدور فيها على حل شعرها ااه ماهو على راي المثل البلد اللي ملكش حد فيها اعمل اللي يحلالك فيها
أسامة
ده ايه الكلام الفاضي اللي انتي بتقوليه ده الأمثال دي ما تنسي اصلك بقا يا نهى وبطلي الكلام ده قدام الولاد
حسام
يابابا ماما عندها حق ويعدين حضرتك مش موجود معاها علطول وبتسافر شهرين بره واسبوع معانا هتعرف منين انها هتفضل محافظة على تربيتك فيها
أميرة
على فكرة بقا يا حسام انا بعرف احافظ على نفسي كويسه واقدر اعيش لوحدي في اي مكان من غير ماحد يقول عليا كلمة وحشة
حسام
طيب ماهو اللي انتي هتعمليه ده هيبقا فيها سمعة زفت من امتى اصلا في بنت في العيلة راحت عاشت لوحدها
ده ايه الكلام الفارغ ده
أسامة
اسكت يا حسام وزي ما قولت لك ملكش دعوة بحاجة خالص
نهى
بص يا اسامة انا اصلا عارفاك وعارفه انك عمرك ماهتمشي غير اللي في دماغك وبس واعمل بقا اللي تعمله بس انا وأبنى مالناش دعوة بحاجة
قالت له كده وسابتة ودخلت جوه واسامة قال
أسامة
اسمعي يا أميرة انا عايزك تخلي بالك من نفسك يا حبيبتي وتحافظي علي نفسك كويس وانا هفضل معاكي علطول واكلمك باستمرار ومش هسيبك
أميرة
انا عارفه يا بابا ان حضرتك واثق فيا جدا وان شاء الله هكون قد الثقه دي وعمري ماهيخب ظنك ابدا
أسامة
انا عارف والله ياحبيبتي
حسام
ياسلام على اللحظات الحنينة دي ده انت عمرك ما عملت معايا كده يا بابا اشمعنا بنتك يعني اللي مدلعها دعوة
أميرة
عشان انا احلى منك وبسمع الكلام عنك طبعا مش كده يا بابا
ههههه على فكرة انا بهزر ده حتى بابا بيحبك اوي يا حسام
لمتابعة القصة اضغط على الرقم 4 في السطر التالي
