الطب الشرعي اثبت انه انتهى اجلو بعدة ضربات عليها بصماتي..والمحامي اللي بيترافع ضدي معاه تسجيل فيديو وانا بتخانق مع ابن عمي.
كل الطرق متقفلة ومفيش حد مصدق اني بريء وكل الأدلة ضدي والمحامي بتاعي بعتلي ورقة مكتوب عليها آسف قضيتك خسرانة وانا مش هقدر أضحي بسمعتي مش هينفع أجي..
.
الكلابشات في إيدي وبتسلم من عسكري لعسكري ومن سجن لسجن محپوس بين أربع حيطات مړعوپ من النهاية ..بعد تفكير طويل قررت أبعت آخر جواب للواسطة بتاعتي .
واقف في القفص ولأول مرة أحس بالضعف ..محامي امبارح مسجون اليوم.
الساعة ١١ ٣٦ صباحا تم النطق بالحكم ….اع دام
كنت متعلق بأمل اسمه استحالة الظلم ينتصر على الحق.
وسط بكايا كررت الكلمات اللي كتبتها في آخر جواب وكأني بكلم واسطتي .
وبعد ثواني من النطق بالحكم قامت خناقة كبيرة بسبب واحد عاوز يدخل القاعة لكن المفاجأة انه كان شخص من العيلة اللي ساكنة جنبي
اول كلمة قالها للقاضي الرجل ده بريء ما قتلش هوه ابن خالي اللي خطط لكل حاجة عشان ياخد البيت منه.
وفي اللحظة دي القاعة سكتت والكل ضړب كف على كف.
وبعد سماع التسجيلات اللي مع الراجل تم الحكم ببراءتي .
ساعتها زميلي اللي كان في جلسة سألني انت كتبت ايه في آخر جواب قلب الدنيا كدا
قولتله…
يارب
مليش غيرك اظهر الحق
وانا واسطتي ربنا
ثق تماما لو مظلوم مستحيل ربنا هيتخلى عنك ..مستحيل الظلم ينتصر على الحق
